Municipales: le dépôt des listes en préfecture est clos
(A redazzioni d'Alta Frequenza) - Ghjovi u 6 di marzu 2014, 6 ori di sera ! S'hè intesu u son'di u cornu ind'i prifitturi di Corsica Suprana, Corsica Suttana è a sottu prifittura di Sartè pà fà sapè chì ùn si pudia più pona listi eletturali pà i candidati à a municipali di u 23 è di u 30 di marzu. È si pò dì chì c'hè u contu pà tutti i cumuni di l'isula, ancu i più mudesti di u rurali duva c'era sempri calchì dubbitu calchì ora fà. In tuttu, sarani 6618 candidati in Corsica sana. Rammintemi in fatti chì pà a prima volta, ogni candidatu era ubligatu à dichjarà a so candidatura, è què qualsiasi a taglia di a so cumuna, postu chì ss'ubligazioni s'appiecava solu fin'è oghji à i capi di lista di i cumuni di 3 500 abitanti à u minimu. I servizi di a prifittura di Corsica Suttana in Aiacciu aviani missu in ballu un dispusitivu riccu pà riescia à gistiscia ssa situazioni inedita è pà schisà l'ingorghi ind'i scagni. Infini, u cuntrattu hè statu rispittatu, à volta da i candidati cà da i parsunali amministrativi, ciò chì faci piacè à Michèle Giudicelli, numaru unu di u scagnu di l'alizzioni è di a rigulamentazioni à a prifittura di Corsica Suttana.
Stemula à senta.
Sur le même sujet
