Municipales: les quatre candidats du groupe Aiaccini officiellement présentés
(A redazzioni d'Alta Frequenza) - Jean-Paul Carrolaggi, Véronique Romagnesi, Serge Vandepoorte, Françoise Fattaccio : eccu i quattru nomi chì ani da raprisintà u gruppu Aiaccini nant'à a lista di Simon Renucci pà l'alizzioni municipali di marzu. I quattru candidati sò stati prisintati di manera ufficiali stamani (vennari) duranti una cunfarenza di stampa. Rammintemi chì Aiaccini hè un gruppu naziunalistu custituitu da A Manca Naziunale è di parechji militanti fora di struttura, chì ani sceltu d'ingaghjà si à fiancu à u merri attuali. U scopu dimustratu di manera chjara dipoi u principiu da i so membri hè di batta a diritta; a famighja liberali chì hè u solu avversariu di quissu quì, lachendu dunqua a porta aparta à u dialogu pà un pussibuli sicondu ghjiru à a lista d'unioni naziunalista Aiacciu Cità Nova.
Steti à senta à Serge Vandepoorte, chì faci parti di u gruppu Aiaccini.
