Neige en Corse : prudence sur les axes routiers touchés
(A redazzioni d'Alta Frequenza) - Torna una volta ci voli à fà assai casu di pettu à i nivati impurtanti arrighjistrati in Corsica stanotti (marti à marcuri). Di fattu, l'arnesi spiciali sò ubligatorii in Vizzavona è Petralba pà i VL è i camiò. U passaghju hè pruibitu à i veiculi articulati. Nant'à i stradi naziunali 193 è 197, a più grandi prudenza hè racumandata postu chì novi nivati impurtanti sò aspittati. Pighjeti puru l'arnesi spiciali cù voscu è rinsigneti vi nanzi di spiazzà vi chjamendu u PC nevi di a CTC à u 04 95 46 17 12. Rammintemi dinò, chì in Corsica Suprana un ventu da Punenti à Meziornu Punenti hè annunziatu, inghjinnendu buffulati da 70 à 80 chilometri à l'ora, pudendu andà fin'è 100 chilometri à l'ora. U mari hà da divintà forti à assai forti nant'à u litturali uccidintali cù marosuli forti da Punenti pudendu trapassà i 3 metri. Prudenza strema dunqua.
Sur le même sujet
