Nette augmentation des situations de pauvreté rencontrées par le Secours Catholique
(A redazzioni d'Alta Frequenza) - U Succorsu Cattolicu di Corsica hà publicatu u so raportu annuali nant'à a puvartà nant'à l'isula. Arrimbendu si à i sciffri di a frequentazioni ind'i so lochi sfarenti, un bilanciu hè statu fattu pà l'annu 2012. Di fattu, 1437 situazioni di puvartà sò stati scuntrati da i 136 benevulenti di Corsica, vali à dì una crescita di 20% di pettu à l'annu nanzu. Sò stati accolti da u Succorsu Cattolicu di Corsica parsoni isulati (78%), zitelli (22% di i casi), una prupurzioni forti di parsoni anziani, stragneri, ma ancu parechji staghjunaghji, disimpiecati o ancu altri chì t'ani un'attività prufiziunali ma chì straziani. L'impiecu hè dunqua u tema maiò di ssu studiu, postu ch'ellu inghjenna ind'u numaru u più impurtanti di i casi ssi situazioni di precarità. Un publicu chì t'hà parechji nivelli nant'à punti di vista sfarenti, è sciffri propiu superiori in prupurzioni di pettu à quilli arrisghjistrati à u pianu naziunali.
Steti à senta à Michel Raimondo, dilegatu di u Succorsu Cattolicu di Corsica.
Sur le même sujet
