Nicolas Battini lance la démarche Mossa Palatina
« Dirradicà lu. Taddà a strada à u naziunalismu mancinescu, issa scruccunaria pulitica chì hè cursa chivi issi deci anni » : eccu a tunalità di u discorsu di Nicolas Battini, quand’iddu metti in anda a so dimarchja alitturali, chjamata « A mossa Palatina ».
Issa scruccunaria, par iddu, hè quidda « chì parla à l’upinioni di populu, di tarra è d’identità ma chì li porghji a tiuria di u gennaru, a scrittura inclusiva è i navi di i migranti ».
Tandu, Mossa Palatina voli purtà u so discorsu in tutti l’alizzioni à vena.
Dopu à u travaddu dittu « duttrinali è culturali » è à a « scola di pinsamentu » di l’associu Palatinu, u muvimentu natu à pena si voli alluntanà da una visioni di tippu LLN, è purtà i timatichi di a migrazioni di massa, di u ricusu di u wokismu è di a ghjunta di una sucità libarali.
A Mossa Palatina ùn piatta una certa simpatia, à liveddu francesu, par Marion Maréchal, è rimpruvarighja à i naziunalisti d’essa i discipuli di Jean-Luc Mélenchon.
Steti à senta à Nicolas Battini.
