Non-lieu dans l'enquête sur l'impact de Tchernobyl en France : la réaction de Josette Risterucci
(A redazzioni d'Alta Frequenza) - A Corti di cassazioni hà cunfirmatu marti a fini di l'inchiesta prununziata dighjà da a corti d'appellu di Parighji annu fà inde u cartulari nant'à i cunsiquenzi di Tchernobyl in Francia. U Prufissori Pellerin, anzianu patronu di u Serviziu cintrali di prutezzioni contr'à i raghji iunizanti, ùn hè più incausatu di modu difinitivu, ind'u quadru di iss'inchiesta aparta in u 2001 dopu à una lagnanza di l'Associu Francesi di i Malati di a Tiroida è di a Cummissioni di Ricerca è d'Infurmazioni Indipendenti nant'à a Radiuattività. Iss'ultimu era u solu missu in asamini inde iss'affari pà "ingannu impeghjuritu", suspittatu d'avè piattu l'impurtanza di a radiuattività duranti u passaghju di u nivulu. Annu fà, a corti d'appellu avia stimatu chì in Francia, una crescita significativa di i cancari di a tiroida ùn era micca stata custata è chì, di pettu à i cunniscenzi attuali, hè impussibuli di fà una leia sicura di causalità trà i patulugii custatati è i cunsiquenzi di u nivulu radiuattivu di Tchernobyl. Una dicisioni di ghjustizia chì intarveni mentri chì l'Assemblea di Corsica hà lanciatu dipoi calchì mesi una larga inchiesta epidemiologica pà ditarminà i cunsiquenzi di a catastrofa inde l'isula. Issa dicisioni pudaria disturbà l'attività di a cummissioni Tchernobyl di iss'assemblea stessa ?
Écoutez sa présidente Josette Risterucci.
