Non ! Nous ne tuerons pas nos brebis, le DRAAF doit partir!
(A redazzioni d'Alta Frequenza) - "Innò ! Ùn tumbaremi micca i nostri pecuri, u DRAAF devi parta!" U titulu di u cumunicatu ni dici assai nant'à u statu d'addisperu è d'inchietudini ind'u mezu di l'allevu in Corsica. S'è a frebba catarrhale tomba à pocu pressu 8% di i pecuri malati, perditi chì sarani indennizati, ci sò altri perditi ecunomichi liati à i bestii tocchi da a frebba è chì ùn poni più essa pruduttivi dunqua. A sola risposta di u Statu hè di cunsiglià à l'allivadori di tumbà i pecuri infettati - ma chi ani da sopraviva - pà tuccà l'indennisazioni, una suluzioni ghjudicata propiu com'è un scandalu da Via Campagnola, è Paul André Fluixa, u so presidenti.
U stemi à senta.
