Non-transmissibilité de la DSP : une bonne nouvelle pour la CGT des marins de la SNCM
(A redazzioni d'Alta Frequenza) - L'avvena s'annigrisci ogni ghjornu appena di più pà a SNCM, in addirizzamentu ghjudiziariu dipoi a fin di a sittimana scorsa dopu una dicisioni di u tribunali di cummerciu di Marseghja. Ultimu evenimentu, i parolli di u secretariu di Statu à i Trasporti ssu marti qualificati di pessimi da parechji parsoni. Alain Vidalies hà fattu cunnoscia in fatti u so pessimisimu cuncirnendu a trasmissibilità di a Dilegazioni di Serviziu Publicu à un novu pruprietariu. U secretariu di Statu, dopu avè scuntratu in Brussels i cumissarii à a Cuncurrenza è à i Trasporti, hà ricunnisciutu u fiascu di a neguziazioni. Ind'u casu ch'ellu saria sceltu un pruprietariu novu ind'u quadru di l'addirizzamentu ghjudiziariu di a cumpagnia marittima, ci vularia dunqua à lampà una chjama nova à l'ufferti pà pudè pinsà dopu à metta in opara una DSP nova, ciò chì pudaria pighjà parechji mesi. Ssa nutizia, prisintata com'è calcosa di negativu da ghjenti numarosi, hè calcosa di bè à u cuntrariu pà a CGT di i marinari, parchì pà tena a dilegazioni di serviziu publicu, bisognu à salvà di sicuru a SNCM.
Steti à senta à Frédéric Alpozzo, chì volta dinò di manera più larga annant'à l'avvena di a cumpagnia.
Sur le même sujet
