Nouveau blocage du site de Vico : la mise au point du SYVADEC
(A redazzioni d'Alta Frequenza) - Dipoi ssu luni da mani, u cullittivu « Pà u Pumonte pulitu » blocca torna l’intrata di u centru pà i rumenzuli di Vicu, amintendu una ripresa di i travaghji di u 2ndu fossu. In un cumunicatu, u SYVADEC accerta torna chì i travaghji di u 2ndu fossu ùn sò micca stati principiati, postu chì hè stata dicisa di rimandalli pà a fin di l’annu 2016. Pà sminuiscia à u più l’udori, u SYVADEC ramenta ch’ellu hà missu in opara in accordu cù u cullittivu è i servizi di u Statu un rinforzu pà copra i rumenzuli cù a tarra. Inveci di un’azzioni sittimanali, quissa quì si faci oramai ogni ghjornu nant’à tutta a parti sfruttata di u 1a fossu. U prilevamentu di a tarra da l’intrapresa chì sfrutta nant’à l’impresa di u situ faci parti di ss’azzioni, ed hè propiu indipindenti di pettu à i travaghji di criazioni di u 2ndu fossu attribuiti à un’antra intrapresa.
Sur le même sujet
