Nouveau conseil municipal d'Ajaccio et nouvelle fonction pour Josepha Giacometti
(A redazzioni d'Alta Frequenza) - Primu cunsighju municipali di a nova mandatura Marcangeli in Aiacciu, cù à u prugramma ssa dumenica l’alizzioni di u merri è di i so aghjunti. Laurent Marcangeli sarà dunqua u primu magistratu. Stéphane Sbraggia hè torna u so prima aghjuntu. Com'è duranti u cunsighju scorsu, Nathalie Ruggeri hè à u postu di sicondu aghjuntu; sarà suvitata da Stéphane Vannucci, Simone Guerrini è Pierre Pugliesi. Rose Marie Ottavy Sarrola sarà seiesima aghjunta, è sarà suvitata, ed hè a nuvità, da Jacques Billard à u settesimu postu. Laurent Marcangeli, à l'uccasioni di a so presa di funzioni arimani, è ind'a so prima dichjarazioni di novu merri d'Aiacciu, hà dittu torna ch'ellu hè u merri di tutti l'aiaccini. Par quissa ci vularà, d'appressu à ellu, à lacà fora i prublemi è i cunsiquenzi di a campagna passata. Nant'à i deci di l'uppusizioni, i naziunalisti t'ani dunqua trè posti : Paul Leonetti è Josepha Giacometti, chì purtavani a lista Aiacciu Cità Corsa fusiunata cù quilla di Simon Renucci pà u sicondu ghjiru, è Josée Grimaldi D'Esdra chì era annant'à a lista di l'anzianu merri à u prima ghjiru. Naziunalisti in Casa Cumuna, era un pezzu ch'ellu ùn s'era più custatatu ssu casu quì. Josepha Giacometti accumpagnarà dunqua à Paul Leonetti com'è uppunenti. Comu a cunsighjera tarrituriali di Corsica Libera vedi a so funzioni nova ?
Steti à senta à Josepha Giacometti.
Sur le même sujet
