Nouveau projet de zone commerciale sur Sarrola Carcopino : la mobilisation continue
(A redazzioni d'Alta Frequenza) - Torna una volta a mubilisazioni da u cantu di a camara di i mistieri di Corsica Suttana, a merria d'Aiacciu è l'UPA contr'à u novu prughjettu di zona cumirciali nant'à Sarrula Carcupinu. Issu centru adunisciaria una superficia 42 000 m2 à a surtita d'Aiacciu, cù butteghi, ciucciaghji, ginnasu è altri salli di mostri. Dumani (ghjovi) issu prughjettu sarà prisintatu davanti à a Cummissioni Dipartimintali d'Accunciamentu Cumirciali di a Corsica Suttana, è a cuntestazioni s'urganizeghja inghjiru à què. Omu s'arricorda chì d'aprili scorsu, issa listessa cummissioni di Corsica Suttana dicia di sì à a custruzzioni di guasgi 70 000 m2 di superficia. Accordu righjittatu, calchì mesi dopu, di ghjunghju, da a cummissioni naziunali dopu à a zerga di i raprisintanti cunsularii di l'artisgiani. Oghji, u presidenti di a camara di i mistieri di Corsica Suttana, chì hè dinò aghjuntu à u merri d'Aiacciu, voli difenda torna i soii è un certu mudellu ecunomicu.
Écoutez François Gabrielli.
