Nouvelle campagne d'hiver pour les Restos du Cœur de Corse-du-Sud
(A redazzioni d'Alta Frequenza) - A 28a campagna d'inguernu di i Restos du Cœur hà principiatu issa settimana. Malgradu un prublema di lucali nant'à Aiacciu, chì hà fattu chì a dilegazioni di Corsica Suttana hà apartu i so porti un mesi più tardi di pettu à annu fà, parechji dumandi sò dighjà stati arrighjistrati. In u 2011, a crescita di a fraquintazioni era di 7%, cù publichi di più in più sfarenti, à chera un aiutu, com'è parsoni soli, ritirati, o ancu ciò chì omu chjama avà i travaghjadori povari. Da nutà dinò l'incertezza di pettu à l'aiuti attribuiti da l'Unioni Aurupea à l'associu à u nivellu naziunali. L'UE pudaria in fatti piantà di dà issi suvvenzioni da quì à u 2014, parechji paesi mittendu in causa l'esistenza di u Prugrammu aurupeu d'aiutu à i più povari. Un aiutu chì finanza 20% di i ripasti sirvuti.
Écoutez Isabelle Torre, présidente des Restos du Cœur de Corse-du-Sud.
Sur le même sujet
