Nouvelle carte cantonale en Corse-du-Sud: le sentiment du préfet de Corse
(A redazzioni d'Alta Frequenza) - Christophe Mirmand hà scruntratu stamani (vennari) a stampa isulana pà u sdighjugnu di riintrata tradiziunali. Ùn ci hè micca statu missaghju particulari, micca cumunicazioni tremenda pà u prifettu di Corsica chì hà ammintatu, cartulari à cartulari, tutti i prublematichi chì si ponini à a Corsica, passati, prisenti è à vena. Christophe Mirmand hà rispostu dunqua à i quistioni, difficiuli certi volti, nant'à l'Arrestu Miot, a frebba catarrhale, u dibattitu istituziunali o a nascita di una nova carta cantunali. Fora di l'alizzioni, chì ani da impona à i servizii di u Statu un duveri di riserva assai duru, u prifettu di Corsica hà annunziatu a ghjunta, principiu di farraghju, di Marylise Lebranchu, ministra di a Dicintralisazioni. Si cuntinuarà dunqua u dialogu ingaghjatu u 22 di nuvembri in Parighji cù u gruppu di travaghju di l'Assemblea di Corsica è tutti ssi quistioni sarani ammintati di sicuru. Altru mumentu impurtanti, è chì faci nascia dinò u dibattitu, a prisintazioni da quì à calchì ghjornu di a nova carta cantunali. A mità di i cantoni, vali à dì ondeci pà a Corsica Suttana, ma cù una raprisintazioni doppia, una donna è un omu o u cuntrariu; si sà chì Jean Jacques Panunzi hè contr'à què di manera chjara. Pudarà essa discorsa a pruposta?
Steti à senta a risposta di u prifettu di Corsica.
Sur le même sujet
