Nouvelle hausse du chômage en Corse à la fin du mois d'octobre
(A redazzioni d'Alta Frequenza) - I sciffri di u disimpiegu pà u mesi d'uttrovi sò stati publicati ssu ghjovi à sera è sò in crescita, par asempiu nant'à a nostra isula. In Corsica, u numaru di parsoni in cerca di un impiegu, di categurii A, B è C hè di 22 096 à a fin d'uttrovi di u 2015. Ssu numaru cresci d'1,3% (275 parsoni in più) u mesi scorsu (+4,8% annant'à un annu). In Francia metrupulitana, u numaru di parsoni in cerca di un impiegu scritti in ssi listessi categurii cresci di 0,2% di pettu à a fin di sittembri (+5,5% annant'à un annu). Pà dipartimentu, hè trà +1,2% in Corsica Suttana è +1,3% in Corsica Suprana d'uttrovi di u 2015 di pettu à a fin di sittembri di a listessa annata.
Sur le même sujet
