Nouvelle mobilisation des avocats corses contre le projet de loi Macron
(A redazzioni d'Alta Frequenza) - L'avucati di l'Ordini d'Aiacciu, raghjunti da i so cumpagni bastiacci, ani manifistatu annant'à u corsu Nabuliò fin'è a prifittura di Corsica stamani (vennari). Una mubilisazioni nova pà dì "innò" à u prughjettu di legi "Macron" chì saria assai pessimu pà l'avucati à u nivellu ecunomicu è eticu, cù cunsiquenzi gravi à tempu pà i prufiziunali di u dirittu cà pà l'aghjenti pà quali a ghjustizia hè resa. L'avucati ani ghjittatu di manera simbolica à traversu u purtò di u Palazzu Lantivy sfarenti libri di u codici civili o penali par asempiu, eppo postu una curona di fiori cù ss'infrasata scritta nantu « ci-gît projet de loi Macron ». U prossimu appuntamentu hè datu pà u 10 di dicembri cù una manifistazioni naziunali in Parighji.
Steti à senta à Dumè Ferrari, raprisintanti di l'Ordini di l'avucati d'Aiacciu.
Sur le même sujet
