Nouvelle séance publique de l’assemblée de Corse aujourd’hui et demain
(A redazzioni d'Alta Frequenza) - Nova seenza publica di l’assemblea di Corsica oghji è dumani (ghjovi è vennari). Pà l’uccasioni, i risultati di l’inchiesta epidemiologica retruattiva nant’à i cunsiquenzi di u nivulu di Tchernobyl nant’à i pupulazioni di Corsica sarani prisintati. À mezu à i raporti di l’Esecutivu pà ssa seenza, ci hè par asempiu quillu nant’à i mudalità di guvernenza di a gistioni di i prugrammi aurupei trà u 2014 è u 2020. Ma nanzi à què, l’eletti participarani com’è sempri à i quistioni urali posti à u Cunsighju Esecutivu. À u prugrammu frà altru : u studiu di un statutu suciali pà favurizà a cursisazioni di l’impiechi, u sciffru di TVA pà i ghjenti chì t’ani battelli, o ancu i trasporti. Quistioni urali ch’è vo pudareti suvità, com’è sempri, nant’à l’ondi di a vostra radiu Alta Frequenza, à partasi da 10 ori, in direttu è in integralità.
Sur le même sujet
