Numérique : coup d'envoi de la coopération Haute-Corse - Cantal
(A redazzioni d'Alta Frequenza) - Ispirassi di l'altri par avanzà. Eccu a brama di u cunsighjeru dipartimintali di Corsica Suprana, Pierre Siméon de Buochberg, in u quadru di u sviluppu numericu di u dipartimentu, è parchì micca di a Corsica in generali. In fatti, cù a benedizzioni di u presidenti di u CD2B, François Orlandi, Pierre Siméon de Buochberg hà presu cuntatti cù u presidenti di u cunsighju dipartimintali di u Cantal, Vincent Descoeur, annant'à u cartulari di u numericu. U scopu hè d'ispirassi di i sparienzi di u Cantal, dipartimentu cù assai ruralità dinò ellu, in u sviluppu, par asempiu, di l'alta parfurmenza internet. Di fattu, una cunvenzioni trà i dui dipartimenti hè stata firmata pà sparta i sparienzi è francà passi in ssu duminiu.
Steti à senta à Pierre Siméon de Buochberg.
