Occupation de la préfecture 2B l'été dernier : sursis requis contre deux gendarmes et un socioprofessionnel
(A redazzioni d'Alta Frequenza) - Ssu marti, l'evenimenti di u 4 di lugliu di u 2014 in a prifittura di Corsica Suprana, induva socioprufiziunali erani stati lampati fora duranti a so occupazioni ind'u quadru di u cunflittu di a SNCM da gendarmi mobili è CRS, erani ghjudicati davanti u tribunali di Bastia. U prucuratori di a Repubilca, Nicolas Bessone, hà fattu cunnoscia i so dumandi. Pà ciò chì cuncerna Claude Luque, socioprufiziunali à tempu accusatu è vittima in ssu prucessu, u prucuratori hà dumandatu dui mesi di prighjoni attimpati pà ribellioni è affrontu. Cuncirnendu i dui gendarmi accusati, u prucuratori hà dumandatu trà quattru è cinqui mesi di prighjoni attimpati pà viulenzi vulintari da un membru di l'autorità publica. Più di trenta socioprufiziunali, frà i quali numarosi chì erani prisenti duranti l'occupazioni, sò ghjunti à ssu prucessu induva i dui gendarmi erani assenti, mentri chì a sintenza sarà cunnisciuta u 24 di marzu. L'avucatu di u socioprufiziunali, chì hà stimatu d'altondi ch'ellu raprisintava l'integralità di quissi quì davanti u ghjudici, dici chì u casu di u so clienti hè statu utilizatu par ùn avè micca à entra di manera più prufonda ind'u cartulari di ssa fin d'occupazioni viulenti. Pudaria pona d'altrondi altri lagnanzi à nomu d'altri socioprufiziunali chì sò stati di più tocchi di pettu à quillu ghjudicatu ssu marti, chì avia avutu setti ghjorni d'ITT, mentri chì un'antra socioprifiziunali hè stata quattru mesi in ITT.
Steti à senta à Lionel Moroni.
