Occupation de la préfecture de Haute-Corse : un socioprofessionnel jugé mardi
(A redazzioni d'Alta Frequenza) - U 2 di dicembri, u tribunali di Bastia hà da accoglia un'audienza aspittata, postu chì hè ssu ghjornu quì ch'ellu sarà ghjudicatu unu di i socioprufiziunali chì avia occupatu a prifittura di Corsica Suprana u 4 di lugliu scorsu pà fà cunnoscia a so scuntintezza contr'à u blucchimi di i battelli di a SNCM. Ramintemi chì i socioprufiziunali erani stati cacciati da a prifittura di una manera forti da i forzi di l'ordini, ciò chì faci chì lagnanzi sò stati posti à tempu da i socioprufiziunali feriti duranti ss'azzioni ma dinò da i forzi di l'ordini. S'è i lagnanzi di i socioprufiziunali aspettani sempri di sbuccà, ùn pari micca essa u casu di quilli di i servizi di pulizza. A CGPME Corsica chjama i socioprufiziunali à ghjunghja pà l'audienza pà mustrà u so sustegnu, mentri chì una situazioni di blucchimi si pudaria pruducia torna in furia.
Steti à senta à Philippe Pasqualini, u vici presidenti di a CGPME Corsica.
Sur le même sujet
