Occupation de la SAFER de Corse par le collectif Rovani
(A redazzioni d'Alta Frequenza) - Chì hè u rolu di a SAFER in Corsica ? Chì faci ch'ella hè l'arnesi à u serviziu di l'agricultori, pà guarantiscia a prutezzioni di a destinazioni di u fundariu agriculu ? Eccu i dumandi posti da un cullettivu chì accupa stamani (marcuri) a SAFER di Corsica in Aiacciu, sustinutu frà altru da u Rinnovu. À u centru di a scuntentezza : l'affari Seni di Coghja. U gruppu hà vulsutu pichjà di modu forti è dinunzià certi "sbagli" di a SAFER. "Sbagli" chì ani inghjinnatu a situazioni chì omu cunnosci nant'à iss'agricultori minacciatu di spulsioni. L'affari dura dipoi u 2007, è i sustegni di Jean Michel Seni stimani chì a Sucità d'Accunciamentu Fundariu hà utilizatu nisun di i so pussibulità è di i so vantaghji, è hà lacatu "passà a vendita à prò di un acquistadori di più di 60 anni è avendu nisun raportu cù l'agricultura". A SAFER avaria ancu tralasciatu u prughjettu prupostu da u gruppu Capra Corsa,quillu di a missa in piazza di una gistioni cullettiva di a razza capra Corsa. Aldilà di iss'affari, u cullettivu voli fà ricullà fin'è l'eletti agriculi o pulitichi i dubbiti nant'à a destinazioni di u fundariu agriculu, ma dinò i prissioni pussibuli ch'ella pudaria cunnoscia a SAFER. "Dumandemi chì iss'aberrazioni sighi curetta", "i discorsi devini suvità i fatti", ani dittu cù forza i parsoni chì accupani a SAFER.
Précisions et explications de Brigitte Artily, porte parole du collectif Rovani.
Sur le même sujet
