Office Foncier de Corse : un outil important !
(A redazzioni d'Alta Frequenza) - Malgradu l'impurtanza di u sughjettu, l'asamini è l'accunsentu pà i statuti di l'uffiziu publicu fundariu, i cunsighjeri di l'assemblea di Corsica, di tutti i partiti, sò partuti torna ind'u so dibattitu favuritu, quillu "campanilisitu" pà ciò chì tocca u locu di stallazioni di ssu famosu uffiziu. Ssi discursati povari scartati, hè guasgi ridiculu, vultemi puru à a quistioni veramenti impurtanti di ssu cartulari, a missa in anda effettiva di un urganisimu, figliolu più cà naturali di u Padduc, chì hà da pruvà à metta appena d'ordini ind'a machja zeppa di i prublemi immubiliari. Ssu stabilimentu, pà cità u paragrafu 1 di l'articulu 2 di i statuti, hà da parmetta a missa in opara di i strategii fundarii pà mubilizà fundariu è batta à prò di u sviluppu durevuli; hà da cuntribuiscia à a rialisazioni d'alloghji, suciali par asempiu, tinendu contu di a pulitica di u fundariu è di l'alloghju di a CTC. Maria Giudicelli cunnosci strabè ssu ducumentu di sicuru.
Steti à senta à Maria Giudicelli, cunsighjera esecutiva.
