Office HLM de Haute-Corse : les inquiétudes du président face au gouvernement
(A redazzioni d'Alta Frequenza) - Pari ch'ella fussi una bona nutizia pà i parsoni chì t'ani alloghji in affittu a calata annunziata d'una cinquantina d'auri à mesi à u minimu nant'à i pighjoni di i casi di l'Uffiziu HLM di Corsica Suprana. Pari solu, parchì ssa calata, vulsuta da u guvernu à u nivellu naziunali pà cumpensà a riduzzioni di 5 auri à mesi di l'APL, pudaria significà una calata impurtanti di a qualità di i sirvizi di l'Uffiziu è travaghji di rinnuvazioni impurtanti rinviati. Hè par quissa chì calchì abitanti, ma dinò puliticanti com'è u merri di Bastia, Pierre Savelli, ani raghjuntu u presidenti di l'Uffiziu HLM 2B, Pierre Marie Mancini, pà manifistà u so timori davanti u purtonu di a prifittura di Bastia.
Steti à senta à Pierre Marie Mancini.
Sur le même sujet
