Ordonnances pour la collectivité unique : les communistes campent sur leurs positions
(A redazzioni d'Alta Frequenza) - L'Assemblea di Corsica hà dunqua aduttatu marcuri à sera i famosi urdinanzi pà una cullittività nova cù un statutu particulari pà rimpiazzà a Cullittività tarrituriali attuali è i cunsighji dipartimintali di Corsica Suttana è Corsica Suprana. S'è u tarmini genericu di "Cullittività Unica" hè statu adupratu da a raprisintazioni pulitica di l'isula, hè intarissanti di custatà chì à nisun mumentu spunta ssa furmulazioni quì ind'i ducumenti ufficiali. U votu, 31 à prò è 20 contru, ùn hà dunqua micca toccu u nivellu dittu storicu di i 42 in u 2014 nant'à u listessu tema, è ssa perdita d'ondeci voti hè stata aduprata assai da l'uppunenti à u prughjettu. A manca cumunista hà tinutu i so pusizioni franchi è chjari duranti tutti i dibattiti nant'à ssa cullittività unica. A Corsica ùn hè micca un "Lander" di a Republica Federali d'Alimagna, hà incalcatu par asempiu Dominique Bucchini.
Eccu l'intervista di l'anzianu presidenti di l'Assemblea di Corsica.
