Orientations budgétaires CTC 2014: l'avis de Jean Biancucci
(A redazzioni d'Alta Frequenza) - U dibattitu nant'à l'urientazioni bughjettarii pà l'annu 2014 s'hè tinutu calchì ghjornu fà à l'Assemblea di Corsica. Un dibattitu senza votu - postu chì si trattava solu d'urientazioni - ma i discussioni sò stati assai ricchi parchì si parlava di ciò chì duvarà inghjinnà u bughjettu di a cullettività pà un antru annu. Rammintemi chì cù una calata di l'aiutu di u Statu - menu 4 millioni d'auri - una calata di a fiscalità lucali, è una calata dinò di l'aiuti aurupei, i ricetti di a CTC à u meghju ùn muvarani micca. A riduzzioni di i spesi publichi hè dunqua più cà nicissaria pà pudè uttena l'equilibriu bughjettariu è a squadra dirighjenti ricerca dunqua qualsiasi picculu locu duva si pudaria truvà una manera di fà calchì ecunumia. Pà Paul Giacobbi, ùn si tratta micca di un bughjettu di rigori à u sensu strettu di u tarmini ma d'appressu à ellu a prudenza a più maiò devi essa quì. Ciò chì faci dì à Ghjuvanni Biancucci chì ùn sò micca i parolli chì sò impurtanti ma bè a rialità bughjettaria.
Steti à senta u cunsighjeru Femu a Corsica chì com'è sempri s'intaressa assai à a quistioni di u bughjettu.
Sur le même sujet
