Orientations stratégiques agriculture, développement rural et forêt: satisfaction pour Femu a Corsica
(A redazzioni d'Alta Frequenza) - L'assemblea di Corsica - emi dighjà trattatu ssu sughjettu a settimana scorsa - hà validatu l'urientazioni strategichi agricultura, sviluppu rurali è furesta. A maghjurità hè stata assai larga parchì i cumunisti sò stati i soli à ùn dà micca u so parè. Un raportu chì pà a prima volta forsa in Corsica vedi l'agricultura com'è un veru mutori di sviluppu, è micca solu com'è un'attività sicundaria à un antru sviluppu chì saria solu turisticu. Puntu di primura nentru à ssu cartulari: hè ditta di manera chjara chì ssu scopu pudarà essa pussibuli solu grazia à un rinforzu di l'azzioni tarrituriali è chjarifichendu infini i cumpetenzi pà sciappà a logica di l'accumpulera di i strutturi. Una visioni nova di a prublematica agricula corsa chì hà suddisfatu tutti i gruppi, com'è Femu a Corsica par asempiu.
Steti à senta à Nadine Nivaggioni, chì s'hè intarissata assai à ssu cartulari quì.
Sur le même sujet
