Ouverture du parking des quais à Ajaccio
(A redazzioni d'Alta Frequenza) - U parking dittu "des quais", nant'à l'anziana piazza di u marcatu cintrali d'Aiacciu hè apartu dipoi oghji (marti). 140 piazzi di staziunamentu novi, frà i quali 3 pà i parsoni à mubilità ridutta sò oramai dispunibuli. Ci vularà à pagà u staziunamentu in un prima tempu cù u prezzu in zona turchina abituali. À u nivellu di l'infurmazioni pratichi, ci voli à sapè chì l'intrata di u parking si faci da u viali Roi Jérôme è a surtita da u quai di a Republica. U carrughju Bessière sarà oramai à sensu unicu da u viali Roi Jérôme versu u quai di a Republica. U carrughju Corbellini u sarà dinò da u quai di a Republica versu u viali Roi Jérôme. In un cumunicatu, a Cità d'Aiacciu priciseghja infini chì "l'accunciamentu novu di ssa zona hà parmissu dinò a riabilitazioni di 150 piazzi di staziunamentu à pocu pressu vicinu à u parking di i quais".
Sur le même sujet
