Pacte Territoire Santé : l'ARS s'engage dans la lutte contre les déserts médicaux
(A redazzioni d'Alta Frequenza) - Ùn sò micca forsa i dodici travaghji d'Erculi ma l'intrapresa ind'a quali s'hè lanciata l'agenza righjunali di a saluta ùn s'assumighja micca ghjustu appuntu à un parcorsu di saluta. L'ARS hà lanciatu u "Pacte territoire santé"' pà luttà contr'à ciò chì omu chjama i diserti medicali, un disertu chì principia aldilà di una mez'ora di strada da un puntu di saluta X. Ci voli à dì chì cù 92 % di i cumuni classificati in zona muntagna chì adunisci 45 % di a pupulazioni, a Corsica ùn manca micca di medichi, nè mancu d'altri prufessioni di saluta. Prublema, quissi quì sò tutti nant'à u liturali, o in tutti i casi ind'i lochi urbanizati, criendu di fattu ciò chì si chjama un disertu di saluta. Altru prublema, a prufessioni medicali, è i medichi ni facini parta, ùn si voli più stallà oghji inde u rurali parchì l'affari sò cambiati di pettu à a qualità di vita. Un pattu, trè scopi, dodici ingaghjamenti! L'ARS hà finalizatu un ducumentu chì custituisci in fatti u so pianu direttori.
Philosophie de celui-ci avec Jean-Jacques Coiplet, directeur régional de l'Agence.
Sur le même sujet
