Padduc adopté : une grande satisfaction pour Corsica Libera
(A redazzioni d'Alta Frequenza) - U Padduc, u Pianu d’Accunciamentu è di Sviluppu Durevuli di a Corsica, hè dunqua statu aduttatu vennari scorsu cù una maghjurità larga. In fatti, 36 voti sò andati à prò di u ducumentu, 12 contru è 3 cunsighjeri erani assenti. À mezu à i 12 voci di l’uppunenti, ci voli à rimarcà quilla di Paulu Filici Benedetti, u solu naziunalistu chì ùn hà micca validatu ssu Padduc. A surpresa, o piuttostu a meza surpresa, hè ghjunta da u votu pusitivu di u gruppu Femu a Corsica. Dipoi parechji sittimani, u gruppu purtatu da Ghjuvan Cristofanu Angelini è Gilles Simeoni hà fattu di più cà risista contr’à ssu ducumentu. Da u pianu in equilibriu, vutatu d’auturnu scorsu, à quillu chì l’hè statu vennari, i naziunalisti ani stimatu chì c’era statu un ritiru impurtanti annant’à quissu quì. I famosi spazii rimarchevuli o i spazii strategichi agriculi sò stati in cori di a pulemica dipoi mesi è mesi, ancu cù l’urganisazioni eculugisti. Hè grazia à u ghjocu di l’amendamenti chì una suluzioni hè stata trova infini ind’a notti di ghjovi à vennari, ciò chì hà inghjinnatu ssu votu massicciu.
Steti à senta à Josepha Giacometti, pà u gruppu Corsica Libera chì hà participatu assai à l’elaburazioni di ssu ducumentu.
Sur le même sujet
