Padduc et agriculture corse : tendre vers l'autosuffisance alimentaire ?
(A redazzioni d'Alta Frequenza) - U Padduc ! Ùn era micca di sicuru l'ughjettu di i discussioni in u Salonu di l'Agricultura di Parighji, eppuru hè u puntu cintrali di tuttu u prughjettu agriculu di a Corsica. In fatti, ssu ducumentu privedi di salvà 105 000 ettari di tarri chì poni essa sfruttati, ciò chì laca assai spaziu à l'agricultura corsa pà pudè sviluppassi. 40% di ssi tarri sò sfruttati oghji è si pò avè dunqua tutti i speri pussibuli pà un sviluppu impurtanti di l'agricultura corsa, ancu ind'i speculazioni chì ùn sò micca sviluppati par avà. Andà ver di l'autunumia alimentaria, ùn hè micca scrittu inde i scopi à cortu andà di u Padduc, ma l'idea generali hè quì quantunqua : fà di manera chì pà l'avvena, a Corsica pudissi arricà di più in più à a so ghjenti a maiò parti di i prudutti agriculi di cunsumazioni maiò.
Filusufia di u Padduc in materia agricula è perspettivi d'avvena pà l'agricultura corsa cù Paul Giacobbi, u presidenti di u cunsighju esecutivu.
Sur le même sujet
