PADDUC et port de la Carbonite : satisfaction modérée pour Un'Alba Nova per Bastia
(A redazzioni d'Alta Frequenza) - Duranti l'aduzzioni di u PADDUC da l'Assemblea di Corsica, u cartulari di u portu di a Carbonite hè statu à u centru di parechji discussioni. In fatti, Corsica Libera hà vintu è hà vistu u so amendamentu ritinutu. Un amendamentu chì rimanda l'autorisazioni difinitiva di ssu prughjettu di portu assai maiò in Bastia à i cunclusioni d'inchiesti novi pà sapè s'ellu pò essa rializatu o micca. S'ellu si tratta di un passu in davanti pà Corsica Libera, ci voli à firmà attenti malgradu tuttu parchì ss'inchiesti pudariani bè dà un avisu pusitivu cù cundizioni di rialisazioni à rispittà à u nivellu eculogicu par asempiu. Una cunclusioni chì andaria contr'à ciò ch'ellu dumanda dipoi parechji anni u partitu indipendentistu, vali à dì lacà corra ssu prughjettu par raghjoni eculogichi è ecunomichi.
Steti à senta à Eric Simoni, chì hà purtatu a lista Un'Alba Nova per Bastia à l'ultimi municipali.
