Padduc : la position de Jean-Guy Talamoni
(A redazzioni d'Alta Frequenza) - Una maghjurità larga : eccu com'ellu si hè spressu u votu di l'assemblea di Corsica à prò di u PADDUC. Solu u gruppu Rassembler pour la Corse ùn s'hè micca prununziatu, l'altri eletti avendu tutti dittu di sì à u raportu prisintatu da Maria Giudicelli. U gruppu d'uppusizioni di diritta hà, in fatti, aduttatu una pusizioni d'attesa, aspittendu ghjustu appuntu u ducumentu difinitivu. U votu, hà dittu Ange Santini, pudaria dunqua essa sfarenti. Ancu puru s'è i membri di Rassembler pour la Corse ùn scumpartini micca di modu sanu l'idei cuntinuti inde issu prughjettu, certi sò da sparta, dinò d'appressu à l'ecchisi presidenti di u cunsighju esecutivu. I gruppi naziunalisti ani datu u so accunsentu, vutendu à prò di u ducumentu. Pà Femu A Corsica, l'idei prisenti inde quissu quì sò daveru da incuragiscia, masimu chì a nuzioni di populu corsu hè stata validata. U prughjettu di sucità prisintatu da l'esecutivu pari ripona nant'à basi sireni. Listessa pusitività da u cantu di Corsica Libera, chì vedi inde issu ducumentu una spera pà l'avvena.
On écoute Jean-Guy Talamoni, qui nous livrait son sentiment avant même le vote.
Sur le même sujet
