Padduc : le cas pas si particulier de Bastelicaccia
(A redazzioni d'Alta Frequenza) - Maria Giudicelli hà principiatu un ghjiru novu di tutti i lochi di Corsica pà pudè studià annant'à u tarrenu è cù l'eletti comu u Padduc s'hà da lià cù i ducumenti d'urbanisimu cumunali. Comu fà pà pudè metta in sinergia in fatti un ducumentu di prugrammazioni di purtata generali è ducumenti d'urbanisimu stabiliti à una scala più chjuca ? Eccu a dumanda difficiuli chì hè stata posta a sittimana scorsa à l'eletti di i cumunità di cumuni di i lochi di u grandi rughjonu aiaccinu è aldilà. Maria Giudicelli hè oghji (luni) in A Ghisunaccia pà pudè trattà ssa listessa dumanda cù i cumunità di cumuni di a piaghja urientali. Pà pudè illustrà i parolli di Maria Giudicelli (veda altrò), emi sceltu d'amintà u casu micca cusì particulari di Bastilicaccia. Ssu paesi vicinu à Aiacciu hà cunnisciutu dipoi un pezzu un sviluppu assai impurtanti è s'hè fattu, dipoi un pezzu dinò, u so pianu lucali d'urbanisimu. Prublema, è si n'hè parlatu assai a sittimana scorsa, ciò ch'ellu pruponi u Padduc ùn hè micca troppu in leia cù ssu PLU, ciò chì spiega un "accunciamentu" nicissariu trà i dui ducumenti. Comu?
Eccu u parè d'Antoine Ottavi, u merri di Bastilicaccia.
Sur le même sujet
