PADDUC : le nouveau clash !
(A redazzioni d'Alta Frequenza) - Asamini di u Padduc! C'hè statu u disaccordu di a notti, c'hè oramai quillu di u dopu meziornu. U gruppu Rassembler pour la Corse di l'Assemblea di Corsica hà dicisu in fatti, in mità di dopu meziornu (vennari), d'andassini di a riunioni di a cumissioni chì prova dipoi arimani à truvà un accordu difficiuli annant'à a difinizioni è u cuntinutu di u Padduc. I famosi SNIEFF, i spazi naturali d'intaressu à u nivellu animali è vegetali è u cuncettu novu di "spazi chì poni cunnoscia mutazioni" creani sempri un prublema impurtanti trà i sfarenti gruppi di l'Assemblea. U travaghju in cumissioni pà l'asamini di più di 170 amendamenti ùn hè ancu à compia è l'assemblea ùn duvaria micca vultà in seenza publica pà un votu finali. U gruppu di diritta hè partutu da l'Assemblea par ùn vultà più, ma hà spiegatu quantunqua prima i raghjoni di a so partenza.
Steti à senta à Stéphanie Grimaldi.
