Padduc : les maires de Corse-du-Sud plutôt méfiants, pas ceux de Haute-Corse
(A redazzioni d'Alta Frequenza) - U cungressu di i merri è di i presidenti di l'EPCI di Corsica Suttana, vali à dì i stabilimenti publichi di cuuperazioni intercumunali, sarà urganizatu vennari in Aiacciu. Ssu cungressu sarà duppiatu cù un'antra manifistazioni : i 9imi scontri internaziunali di i merri di u Mediterraniu. Fora di i sughjetti liati à primuri municipali, l'acqua o i rumenzuli par asempiu, l'assemblea di i merri duvarà amintà temi di purtata stramunicipali : u Padduc par asempiu. Joselyne Fazi, a presidenti di i merri suttanacci avia fattu calchì ghjornu fà un'intarvinzioni rimarcata à l'uccasioni di una riunioni urganizata annant'à ssu tema da l'Esecutivu di Corsica. S'è i merri pumuntinchi parini misfidassi piuttostu di u Padduc, ùn hè micca u casu di quilli di Corsica Suprana.
Steti à senta à Ange Pierre Vivoni, chì hè statu presidenti di u so associu duranti annati longhi.
Sur le même sujet
