Padduc : mini clash à l'Assemblée de Corse durant la nuit
(A redazzioni d'Alta Frequenza) - Scena di disaccordu duranti a nuttata à l'Assemblea di Corsica. Femu a Corsica, Corsica Libera è Paulu Filici Benedetti ani lacatu i discussioni di a cumissioni chì t'avia com'è scopu d'asaminà i più di 150 amendamenti di u ducumentu PADDUC. Un disaccordu chì purtava par asempiu annant'à i famosi ZNIEFF è i spazi agriculi strategichi, è chì hà fattu chì i naziunalisti ùn ani micca vulsutu stà è cuntinuà. Erani tandu quattru ori di mani. Malgradu tuttu, i pussibilità di dialogu asistini sempri, i discussioni duvariani ripighjà stamani. Ma hè sicura chì s'è un accunsentu ùn pò micca essa trovu annant'à ssi punti chì ponini un prublema, ùn vutarani micca ssu ducumentu ind'a so furmulazioni attuali. I travaghji di a cumissioni duvariani ripighjà stamani versu 10 ori. U PADDUC pudaria vultà davanti i cunsighjeri duranti u dopu meziornu.
