PADDUC : on discute, mais...
(A redazzioni d'Alta Frequenza) - Hè una nova ghjurnata longa chì hè principiata stamani à l'Assemblea di Corsica. Dopu à una notti ricca d'evenimenti, l'eletti, chì ani durmitu solu calchì ora, ani compiu à 4 ori di mani u travaghju in cumissioni d'arisera pà pudè asaminà una mansa d'amendamenti annant'à u PADDUC; una stonda chì s'hè compia cù una porta sbattuta. Eppuru, i gruppi naziunalisti chì sò partuti in furia stanotti sò vultati stamani in cumissioni cù un spiritu sempri cusì cumbattivu ma propiu apartu malgradu tuttu. I parolli chì diragnani, a sapemi dipoi un pezzu, è chì ani inghjinnatu assai tinsioni fermani di sicuru a quistioni di i "spazii chì poni cunnoscia mutazioni" è i famosi "ZNIEFF". A nuzioni di populu corsu, introitu vulsutu pà u ducumentu, ferma ben intesu unu di i punti impurtanti pà i naziunalisti. I gruppi naziunalisti volini teni cù forza fundamenti, punti chì sò essenziali pà contu soiu. Eppuru, ùn volini mancu appena dinò elli una rumpitura tutali. Più cunsequenti parchì hè più numarosu, u gruppu Femu a Corsica hà missu appena di più tempu stamani pà pudè accurdà i pusizioni trà i sfarenti eletti. Hè solu à ondeci ori ch'ellu hè andatu pà ssa famosa cumissioni cù un spiritu ch'ellu ci prisenta Ghjuvan Cristofanu Angelini.
U stemi à senta.
Sur le même sujet
