PADDUC : retour en session avec un esprit constructif pour Maria Giudicelli
(A redazzioni d'Alta Frequenza) - Hè una nova ghjurnata longa chì hè principiata stamani à l'Assemblea di Corsica. Dopu à una notti ricca d'evenimenti, l'eletti, chì ani durmitu solu calchì ora, ani compiu à 4 ori di mani u travaghju in cumissioni d'arisera pà pudè asaminà una mansa d'amendamenti annant'à u PADDUC; una stonda chì s'hè compia cù una porta sbattuta. Eppuru, i gruppi naziunalisti chì sò partuti in furia stanotti sò vultati stamani in cumissioni cù un spiritu sempri cusì cumbattivu ma propiu apartu malgradu tuttu. I parolli chì diragnani, a sapemi dipoi un pezzu, è chì ani inghjinnatu assai tinsioni fermani di sicuru a quistioni di i "spazii chì poni cunnoscia mutazioni" è i famosi "ZNIEFF". A nuzioni di populu corsu, introitu vulsutu pà u ducumentu, ferma ben intesu unu di i punti impurtanti pà i naziunalisti. Maria Giudicelli, a diciami, hà durmitu assai pocu stanotti, ma hè vultata stamani à l'Assemblea di Corsica cù un spiritu sempri cusì custruttivu, hè in tutti i casi ciò ch'ella ci hà dittu.
Steti à senta à Maria Giudicelli.
