Padduc : un document qui ne règle rien selon Aline Castellani
(A redazzioni d'Alta Frequenza) - U Padduc, u Pianu d'Accunciamentu è di Sviluppu Durevuli di a Corsica, hè statu aduttatu vennari scorsu da una maghjurità propiu cunsiquenti. 36 voti à prò contr'à 12 chì l'ani ricusatu, u votu ùn hè micca strasurdinariu ma dà quantunqua una maghjurità bella larga à u ducumentu. A diritta hè stata guasgi unita par upponasi à quissu quì è hà ricivutu l'appoghju di Paulu Filici Benedetti. S'è dipoi parechji sittimani, si sintia cullà una spezia di rivolta contr'à u Padduc, par asempiu ind'i mezi naziunalisti è assuciativi, una maghjurità impurtanti s'hè prununziata malgradu tuttu pà u ducumentu. I punti di spiccanza, vali à dì i spazii strategichi agriculi è i spazii rimarchevuli chì aviani fattu nascia a scuntintezza duranti sittimani longhi inde certi associ di difesa di l'ambienti, sò stati schisati infini. Ani fattu l'ughjettu di deliberazioni spiccati, validati o ricusati, ciò chì hà parmissu à tuttu u Padduc, l'essenza di u ducumentu, di racoglia un votu assai pusitivu. Com'ella l'avia fattu duranti i voti scorsi, Aline Castellani s'hè upposta cù forza à ssu Padduc. I raghjoni amintati pà ricusà u testu sò cunnisciuti, in tutti i casi da a parti di u so currenti puliticu. Hà dittu torna a sittimana scorsa tuttu u mali ch'ella pensa di un ducumentu "chì ùn arriguleghja nulla".
Steti à senta à Aline Castellani, a presidenti di u gruppu Gauche Républicaine.
Sur le même sujet
