Parking Campinchi : l'argumentation du maire d'Ajaccio
(A redazzioni d'Alta Frequenza) - U square Campinchi ! Fruttu di disaccordu, è forsa pà un tempu longu torna trà a maghjurità di u cunsighju municipali d’Aiacciu è l’uppusizioni. Ramintemi chì in fin di sittimana scorsa, u cunsighju municipali hà vutatu a fini di a dilegazioni di serviziu publicu accurdata à Q-Park da l’anziana maghjurità. Addiu a dilegazioni, a custruzzioni di u parking Campinchi eppo u rinnovu di manera prufonda di quillu di u Diamanti. Ssu cartulari, chì era caldu dighjà duranti a campagna eletturali, hà trovu dunqua a so cunclusioni dopu à calchì mesi di mandatura solu è in leia cù ciò chì era statu annunziatu à l’alittori. S’è Laurent Marcangeli ùn hà micca avutu l’appoghju ch’ellu aspittava- a classifica di u situ- hè firmatu francu è chjaru ind’a so dicisioni di fà passà l’aspettu patrimuniali di u cartulari sopra à altri cunsiderazioni.
Dopu à Stéphane Sbraggia, Prima aghjuntu, chì ci hà prisintatu i cunsiquenzi finanziari di ssa dicisioni, steti à senta u merri d'Aiacciu chì volta annant'à a so argumentazioni principali.
Sur le même sujet
