Parkings à Ajaccio : la position du PNC
(A redazzioni d'Alta Frequenza) - Si riparla di a prublematica di i parkings in Aiacciu. Un sughjettu chì faci sempri dibattitu ind’a cità imperiali, ch’ella sia da u cantu di l’uppusizioni municipali, chè da quillu di i simplici citadini. Una tarificazioni ghjudicata troppu alta, cunsiquenzi finanziarii pussibuli pà i cumircianti vicini, frà altru pà u prughjettu di u parking dittu di u « marcatu d’Aiacciu », una circulazioni è un accessu à a cità di i più cumplicati, eccu ciò chì hè statu missu in risaltu frà altru da u PNC. Pà u muvimentu naziunalistu, hè imperativu, da ùn impeghjuriscia a situazioni, di fà parechji accunciamenti, andendu ind’u sensu di una logica nova : sbiutà a cità di i so vitturi. Una cunsultazioni participativa hè daveru nicissaria da sbuccà ci, com’è a ci dici Nadine Nivaggioni, pà u PNC.
Écoutez Nadine Nivaggioni.
Sur le même sujet
