Partenariat entre l'ATC et I Muvrini pour promouvoir le tourisme insulaire en Europe du Nord
(A redazzioni d'Alta Frequenza) - Ind'u quadru di a so azzioni prumuziunali nant'à i marcati d'Auropa di u Nordu, l'Agenza di u Turisimu di a Corsica hè partinaria quist'annu di u ghjiru aurupeu di u gruppu I Muvrini. Un ghjiru passendu pà a Sguizzara, a Belgica è l'Allimagna duva uparazioni di rilazioni publichi è stamptaa sò urganizati à a fini d'ogni cuncertu. Un partenariatu urighjinali cù dui scopi : prima, capitalizà nant'à a capacità di u gruppu à raprisintà cù successu a cultura corsa, benefiziendu di una ricunniscenza internaziunali ind'a "World Music", eppo dopu, di rializà uparazioni pricisi ver di i prufessiunali di u turisimu, ghjurnalisti è prescittori di i marcati maiò. Pà Ghjuvan Francescu Bernardini, u rolu d'I Muvrini, à traversu à issu partenariatu, ùn hè micca di "venda a Corsica", ma piuttostu di prumova un'altra maghjina di iss'ultima è di u so turisimu; un turisimu chì devi ripona, com'è a voli a presidenti di l'ATC, nant'à un aspettu propiu identitariu, cù u scambiu culturali è u scontru cù l'alterità com'è mutori maiò.
Ecoutez Jean-François Bernardini, au sortir d’un concert du groupe à Munich.
