Partenariat Ville d'Ajaccio-CCI 2A : un nouveau projet de parking sur les rails
(A redazzioni d'Alta Frequenza) - A Cità d'Aiacciu è a Camara di Cummerciu è d'Industria di a Corsica Suttana manu ind'a manu ! I dui entità ani ufficializatu in fatti ssu vennari un partenariatu à prò di a rinascita di u centru di a Cità imperiali. Azzioni chì si farani inghjiru à quattru punti maestri : l'urganisazioni di i flussi di circulazioni è di staziunamentu, l'allarghera di a staghjoni turistica, a missa in opara di u Schema d'Accunciamentu di ciò chì si chjama u "fond de baie" è una pulitica dinamica à prò di u cummerciu di vicinanza. Dui annunzi forti sò stati fatti ssu vennari : l'impegnu di a Cità d'Aiacciu pà u sviluppu di u Palazzu di i Cungressi, ma dinò è soprattuttu un affari chì era dighjà privistu vali à dì a criazioni di un parking novu cù un locu esattu chì sarà difinitu dopu à i studii di rialisazioni nicissarii. Una vulintà pà a municipalità è a camara cunsularia di travaghjà in furia ma bè, com'ellu a ci dici u diputatu è merri d'Aiacciu.
Steti à senta à Laurent Marcangeli.
Sur le même sujet
