Pas convaincu par Emmanuel macron la CGT appelle à la grève et à manifester en Corse vendredi
(A ridazzioni d'Alta Frequenza) - Un hè piaciutu, à a CGT, u discorsu di luni sera d’Emmanuel Macron. Ni chjama dunqua à a mubilisazioni pà vennari, u 14 di dicembri. « Par ciò chì tocca à i rivindicazioni suciali, Macron ùn hà capitu nudda, è hè isciutu à veru da u suminatu ». « Malgradu a so pustura sullena, ùn cambia versu u prisidenti lla ripublica. Tutti i misuri annunciati sarani pagati da i citadini, è in supr’à più sarani ridutti i mezi pà i sirvizii publichi è i dutazioni à i cullittività lucali. È ben’intesa, à ricchi o patroni, ùn li sarà chersu nudda. Peghju ! iss’annunci, i pudariani pagà quiddi chì circani travaddu, chì i so allucazioni pudariani calà, o ancu i ritirati à vena, postu chì Macron pratendi cuntinuvà i so riformi ». Par ciò chì tocca à u smic, l’impiicati ùn la vidarani, à nantu à a fiscia di paga, a crescita di 100€. Pà i ritirati, a crescita lla CSG sarà sempri mantinuta, pà un ritiratu à nantu à trè à u minimu. Ma a supprissioni di l’impositu di ricchezza, ùn ci si volta ! I 180 milliarda dati ugni annu à l’azziunarii da i impresi maiori, sò sempri chivi » rigreta a CGT, chì ni chjama à a greva è à a manifistazioni vennari u 14 di dicembri, in Corsica è in francia.
Photo d'archive.
