Passif de 96 millions d'euros pour la CTC : le détail de la situation avec Gilles Simeoni
(A redazzioni d'Alta Frequenza) - U statu di u passivu di 96 millioni d’auri, i famosi chì mancani in u bughjettu di a CTC, era dunqua in dibattitu vennari scorsu à l’Assemblea di Corsica. A lotta, u famosu scambiu trà i dui Esecutivi di Corsica, l’anzianu è u novu, ùn ci sarà micca statu infini, postu chì mancavani i cumbattanti; Paul Giacobbi saria statu malatu in fatti. Ssi guasgi 100 millioni, par avà, sarani soca rivisti appena più altu parchì un studiu novu, appruntatu da un cabinetu indipendenti, sarà rializatu assai in furia. Gilles Simeoni hà ripresu dunqua, postu à postu, u ditagliu di u passivu di a CTC cù soldi ch’ella devi à guasgi tutti i settori di a vita ecunomica, suciali è culturali di l’isula. Si tratta in fatti d’affari chì sò stati ricivuti in u 2015, o ancu in u 2014, chì duviani essa mandatati in u 2015, ma ùn hè micca statu u casu par via di una mancanza di tisuraria, ciò chì spiega a so scrizzioni in u bughjettu 2016 è a nicissità putenti di truvà i ricetti currispundenti. Gilles Simeoni ùn hà micca vulsutu fanni troppu inde l’accusi ma hà prisintatu piuttostu a situazioni di una manera sirena.
U stemi à senta.
Sur le même sujet
