Patrick Rocca officiellement propriétaire de l’ex-SNCM
(A redazzioni d'Alta Frequenza) - Cartulari marittimu : Patrick Rocca hè oghji di manera ufficiali u pruprietariu di l’anziana SNCM è di i so battelli. U tribunali di cummerciu di Marseghja hà finalizatu arimani ssa dumanda chì hà dunqua arrighjistratu ss’uparazioni di vendita. Nant’à u sicondu latu di u cartulari, vali à dì u prughjettu di fusioni trà a cumpagnia di Patrick Rocca (MCM) è quilla di u consortium d’intraprenadori (Corsica Maritima) cù a cessioni di tutti i parti di a MCM à a CM holding, ci hà da vulè à passà torna davanti à l’istanzi ghjudiziari u 25 di farraghju pà un’audienza nova. Altra audienza, quilla cuncirnendu a legalità di a linea di trasportu di marcanzii Bastia-Marseghja lanciata da Corsica Linea. A dicisioni di u tribunali sarà cunnisciuta da quì à calchì ghjornu.
