Paul-Antoine Luciani : "augmenter le nombre de logements sociaux sur Ajaccio"
(A redazzioni d'Alta Frequenza) - Jean-Luc Mélenchon, u candidatu Fronti di Manca à l'alizzioni prisidinziali era dunqua in visita in Bastia marcuri. Quissu quì hà tinutu un meeting cù u secretariu di u Partitu Cumunistu, è cù u presidenti di l'Assemblea di Corsica, Dumenicu Bucchini. L'uccasioni pà iss'ultimu di parlà frà altru di a pulitica di l'esecutivu di Corsica in materia d'alloghju, rammintendu chì a Cullettività Tarrituriali investici quattru volti di più soldi cà prima in issu duminiu. L'alloghju, era d'altrondi u tema di a riunioni chì s'hè fatta luni in prifettura di Corsica cù frà altru l'associ, i cullettività lucali è i servizii di vicinanza di u Statu. A strategia ditta di l'alloghju prima t'hà pà scopu di mighjurà u serviziu resu à i senza alloghji o à i parsoni risichendu di divintà li, dendu à priurità à l'azzioni chì vani à prò di l'accessu direttu à l'alloghju in Corsica Suttana. Fà crescia u numaru d'alloghji suciali, sviluppà servizii d'accumpagnamentu è sviluppà i pinsioni di famighja, sò i grandi misuri privisti da issa strategia, com'è a criazioni di u centru d'alloghju d'urghjenza di Mezavia. Pà Paul-Antoine Luciani, primu aghjuntu à u merri d'Aiacciu è vici presidenti di a CAPA, saria frà altru ora pà u dipartimentu, è soprattuttu pà a cità imperiali, di rimpattà u ritardu pà a custruzzioni d'alloghji suciali, di pettu à a prissioni criscenti di l'urghjenza.
Écoutez Paul-Antoine Luciani
