Paul Giacobbi a dévoilé une partie du résultat de l'appel d'offre en matière de transports aériens
(A redazzioni d'Alta Frequenza) - Paulu Giacobbi hà prisintatu stamani (luni) una parti, ma una parti solu di u risultatu di a chjama à l'ufferta in materia di trasporti aerei. I piechi cuncirnendu l'ufferti di i cumpagnii Air Corsica è Air France sò stati aparti ghjovi scorsu è ùn ci hè, à issu nivellu quì, nisuna surpresa. A cumpagnia righjunali s'hà da bè impustà sola nant'à u bordu à bordu è duvaria cuntinuà à fà a leia cù Parighji in partenariatu cù Air France. S'è nisunu sciffru hè statu prisintatu stamani, Paulu Giacobbi hà quantunqua annunziatu chì i sommi dumandati da i cumpagnii erani assai superiori à u costu di a dilegazioni in postu. Si sà chì i prezzi di a benzina toccani assai i costi in materi di trasporti aerei, ma si sà dinò chì u latu suciali hè di primura ind'a cuncipitura di issi prezzi quì. Vultà à un nivellu raghjunevuli ! Hè a pusizioni di a CTC ind'i neguziazioni ch'ùn sò ancu à compia cù i cumpagnii.
Ecoutez Paul Giacobbi
