Pauvreté et précarité : la CLE met les candidats aux territoriales face à leurs responsabilités
(A redazzioni d'Alta Frequenza) - Com'è pà l'alizzioni municipali d'Aiacciu è i dipartimintali, a Cuurdinazioni di Lotta contr'à a Sclusioni, chì adunisci parechji associ di Corsica Suttana è Suprana, manda un quistiunariu à i sfarenti candidati à l'alizzioni tarrituriali di u mesi chì veni. A CLE voli cunnosci u prughjettu di tutti i listi ingaghjati pà riducia a puvartà è a precarità inde l'isula, chì crescini à più pudè. Cù trà 20 è 25% di a pupulazioni tocca da a puvartà in Corsica, ss'inghjocu hè di gran primura è l'associ aspettani risposti chjari di tuttu ognunu, prima di publicalli annant'à a paghjina Facebook di a CLE. À chì nivellu mittiti a puvartà ind'i vostri priurità ? Chì sò, d'appressu à voi, i causi regiunali principali di a puvartà è vuleti agiscia annant'à qualessi ? À chì suluzioni novi pinseti pà fà sminuiscia a puvartà ? O ancu chì misuri vuleti pighjà pà renda più faciuli l'accolta di i rifughjati in Corsica ? Eccu quattru di i setti dumandi posti, chì custituiscini a basa di ssu ducumentu.
Steti à senta à François Pernin, u presidenti di a CLE.
Sur le même sujet
