Pauvreté et précarité : la Corse sur le podium des régions métropolitaines
(A redazzioni d'Alta Frequenza) - A Missioni d'Infurmazioni è d'Azzioni annant'à a precarità è a sclusioni suciali s'hè adunita ssu luni à l'Assemblea di Corsica. Attori assai numarosi di u mondu puliticu, di i sfarenti urganisimi suciali, o ancu di membri di u mondu assuciativu è di a sucità civili erani prisenti in fatti pà a prisintazioni di un panorama di a precarità è di a puvartà in Corsica. Un studiu tarriturializatu, postu ch'ella hè stata rializata inde i 19 cantoni urbani è rurali di l'isula, è risultati propiu pessimi. Appena di più di 19% di a pupulazioni isulana campa sottu à u nivellu di puvartà cù menu di 970 auri pà mesi, ciò chì faci di a Corsica a terza regioni metrupulitana a più povara dopu à u Nord Pas de Calais è u Languedoc Roussillon. Annant'à i 60 000 parsoni campendu sottu à u nivellu di puvartà, a mità campa cù menu di 760 auri ogni mesi. Dopu avè presu cunniscenza di ssi sciffri è avè trovu i causi di quissi quì, u scopu hè di rifletta oramai à azzioni cuncreti, à purtà cù un'intellighjenza parfetta annant'à tuttu u tarritoriu. Un scopu ricircatu dinò par asempiu in a so dimensioni pulitica grazia à u PADDUC.
Steti à senta à Maria Guidicelli, cunsighjera esecutiva in carica di ssi prublemi impurtanti.
Sur le même sujet
