Permis de conduire en Corse-du-Sud : candidats cherchent désespérément examinateurs
(A redazzioni d'Alta Frequenza) - U prublema s'era dighjà prisintatu l'istati scorsu, hè divintatu torna d'attualità ssu luni cù a cuntistazioni di i rispunsevuli d'autoscoli d'Aiacciu è di Corsica Suttana. Ferma solu un ispittori in tuttu u dipartimentu pà pudè assicurà u passaghju di l'asamini di u parmessu di cunducia. Faci chì u numaru di piazzi pruposti à l'elevi pà passà i so provi da l'amministrazioni diventa ridiculu, è sò oghji più di duicentu candidati chì si ritrovani bluccati. Aduniti ssu luni da mani in Campu di l'Oru, locu induv'ellu si passa l'asamini di u parmessu di cunducia, i rispunsevuli d'autoscoli ani vulsutu lampà una chjama à l'upinioni publica ma soprattuttu à a so autorità, vali à dì u Statu cù a Direzzioni Dipartimintali di i Tarritorii è di u Mari da fà ch'ella cambiessi ssa situazioni. A sintenza hè doppia quì, com'ellu a ci spieca Ceccè Buteau, pà l'autoscola Guida Corsa in Aiacciu è membru di u Cunsighju Naziunali di i Mistieri di l'Automobili.
U stemi à senta.
